حسام(ابو الحس)العراقي
المساهمات : 2
تاريخ التسجيل : 18/01/2008
 |  موضوع: واخيرا بابا نؤيل يزور بغداد لحسام ابو الحس(الجزء الثاني)  الجمعة يناير 18, 2008 7:11 am | |
| واخيرا بابا نؤيل يزور بغداد
الجزء الثاني
اليوم احجيلكم هذه القصه
وهي بابا نؤيل يزرو بغداد
مثل ما عرفتو بالجزء الاول منو بابا نؤيل
وهو الشخص ابو اللحيه البيضه وانتو تعرفون الباقي
وهسه اكمل
بعد ما اجه بابا نؤيل القديم الى بغداد وبعد الي صار بيه وما واجهه من قذائف وهاونات ومقاومه طائرات
وبعد الانتخابات الجديده لمنصب بابا نؤيل قي القطب الشمالي
والتي قدم فيها علاوي ابن الحفافه
حيث فاز مايكل بوش بالاتخابات
وفاز بالانتخابات لان تصله صله القرابه بالرئيس الامريكي جورج بوش
المهم فاز مايكل بالاتخابات
وعند الاحتفال الذي اقامه مايكل بوش في بيتهم
وحظر الاحتفال علاوي ابن الحفافه
حيث قام مايكل بوش بالقاء خطاب بمناسبه فوزة وبمناسبه الانتخابات التي حدث بدون عمليات تزوير من قبل قائمه سعد الحلي 555
ولا من قبل جبهه المرافق العراقيه
ولا من قبل اي جهه سياسيه
ولم يتدخل رئيسنا البطل جورج بوش
ونهض علاوي ابن الحفافه صارخا
وقال اذهب الى الجحيم يا مايكل
واللهم صلي عله النبي وال النبي
والانتخابات مزيفه
وفاز مايكل بسبب مسيحيته وانا مسلم
وان العيد ميري كرسمس هو للمسلمين ايضا
فكان مولد الرسول محمد صلى الله عليه وسلم ايضا في 1/1
ولكن سجلوة بالهويه 1 ذو الحجه
وان العيد للمسلمين قبل المسيحيين
وقال علاوي انا احق ب بابا نؤيل
فلو كنت بابا نؤيل
لذهبت الى العراق المسكين الذي يفتقر اطفاله الى القليل من الحنيه وبعض التعاطف من بابا نؤيل فهل سيذهب مايكل الجبان الى العراق
فقال مايكل بصوت داوي وقال له انا ساذهب الى العراق هذا العام
فتم طرد علاوي ابن الحفافه من الاحتفال
وذبوة عله الحدود ودكوله ختم احمر خمس سنين ما يفوت
يعني علاوي صار سحاله كلش خزانه ابن الزفرة
وفي 1/1 اي هذا العام
التي حدثت قبل كم يوم
وكان دعاء العراقيين ان يعود العراق مثل قبل واحسن ونرجع للعراق كلنه(دعاء كله بالريش ما يوصل لباب البيت لانه نيه العراقيين مو صافيه)ا
وهذه هيه مشكلتنا احنه العراقيين بين قوسين عله كوله رامي(العراقيين خيسه)
المهم نكمل
وفي الساعه 11ليلا في تاريخ 29/12/2007
اعد مايكل نؤيل الهدايا ليتوجه الى العراق ويسعد ابناء العراق
وكان علاوي حينها في بغداد وحضر البكته فوك السطح هو وامير خاتمه واحمد ابو شهاب وكان معهم الخبل حماده حمامه
المهم لزمو الليل خفارة
وكانت المنطقه هادئه يمنه
وماكو احد برة بس الي انذكرت اسمائهم
ويسمعون صوت ساعه 12 بالضبط
صوت قوي جاي من السمه
فهمه عبالهم طيارة مال امريكان فغلسوا
والى ان يشم علاوي ابن الحفافه صاحب انف الكلب ريحه ثلج
ويباوع بالسمه
لك شنو هاي
ثلج
ثلج
شنو هاي
بغداد تنزل ثلج
شنو السالفه
وهو يرى في السماء والى ان يرى العربانه مال بابا نؤيل
وما ان اشتغلت مقاومه الطائرات والبكته وكلشي وكلاشي
حته حماده حمامه كان شاد مدفع بالسطح
واحمد تطور وخله 59 مال طيارات بباب بيتهم
وهمه يصوبون عله العربانه بس كلشي ما يصير
فكان مايكل مسوي درع حديدي اداينه من كرندايزر ليله واحده
وكان مايكل يضحك بصوت عالي جدا
ويقول علاوي بوري بوري
اليوم اصعدك فوك البوري
.....
جيت عله عناك وعناد الحفافه
الجو بارد خلي امك تحفلك لفافه
وكان يضحك كثيرا
فكان علاوي واحمد ابو شهاب وحماده الحمامه وامير خاتمه يقولون فيما بينهم
شنو هذا
شنو هذا
فقال علاوي من عنده ولكم هذااااااااااااااااا
نغل
مسويله درع جايبه من خماسي او غيرة
وبات مايكل يفتر فوق المنازل ويقول لهم يا اهل بغداد يا اهل المنطقه استيقضووووووووووو
هابي نيو ييييييييييييييييييييييييير
وكل عام وانت بخير وان شاء الله الف سنه
فقال مايكل بالحط بعربانته الحديثه
واتصل بالجيش الامريكي
وقام بعمل سيطرة وقام بتوزيع الهدايا للاطفال الذين لم يصدقوا ان هناك هدايا
ولم يصدقوا ان هناك بابا نؤيل
ولم يصدق بعض الاطفال بما يرونه
وقام حسن خسايه بركع راسه بالحايط لكي يرى هذا حلم بطران لو حقيقه فطيرة
ومن طلع من راسه دم وراسه كام يوجعه صدق حسن ان هذه حقيقه
فقام الاطفال بالرقص بالشارع وقاموا بالنوم بالارض وقاموا بالعراك بالثلج
يعني واحد يركع اللاخ بثلج
وبعضهم الي تصلخ لكي يعرف هذا الثلج بارد لو لا
فمصطفى توفي نزع حته لباسه حته يعرف صدك هذا الثلج بارد مثل ثلج المجمده لو لا
وام حمودي طلعت اللحم برة لانه الكهرباء مطفيه والمجمد ماعت ورح يخرب اللحم
وراح سمير المنغولي واخذ هديه من بابا نؤيل وباسه من شفته ولزكه بخنينه مال اخ لاخوة
لانه خطيه سمير اول مرة ياخذ هديه من احد
وسمير كام يركص ركص بريكي
لانه طارق ط رق رق شغله اغنيه مال مجاري مدري مساري ما اعرف منو
وسمير كام يركص وتصويرة يمي كلما احن لبغداد اشوفه
واجه سعد المخبل ابو المانيا بس سمع بالخبر
وسعد جاب ولد المنطقه وكلهم اخذو هدايا واني بعدين اخذها منكم لانه جان ماخذ خاوة عله جهال المنطقه
وسعد هذا جبير جبير
يعني عمرة بال35 سنه
وجان سعد يركض ورايه من جنت صغير ياخذ عليه خاوة ليش ما اعرف
خبل بعد شتترجه منه
المهم سعد اجه عله بابا نؤيل وجان جايب جلكان ابو العشرين لتر وجايب صونده مال سحب مال بانزين
واجه عله العربانه مال بابا نؤيل وكام يسحب منها بانزين محسن مال امريكا
وبعدين التمت الناس الي تريد تاخذ هدايا والناس الي طالعه تتمركص بالثلج
والناس تخبلت الكل تكول
ثلج ثلج
والناس تضحك
فالناس فرحت فرح ما صاير
يعني اول مرة يوكع ثلج ببغداد
فمن كيفه شرع السيد كال الثلج حرام لحد ياكل ثلج
هذا الثلج جذابي يريد يغسل ايمانكم
وعله غفله المنطقه فرغت بعد ما سمعت فتوة السيد الكل راح للبيت
فالكل سمع كلام
واجه السيد عله بابا نؤيل عساس يعزمه يمه بالبيت ويعزمه عله كهوة قاري عليها السيد
وما ان فات للبيت وطول خمس دقايق وطلع ويشوف العربانه مالته بله تايرات والغزلان مال بابا نؤيل مبيوكه وذابحيها ومسويها كباب
وماخذين المحرك مال العربانه وشاديه عله الركه مال فهد
وما بقو شي بالعربانه
حواسم
طلع مايكل الي هو بابا نؤيل
يلطم ويبجي
ويكول انعل ابو العراق لابو الي يجي عليه بعد
واجه عليه علاوي ابن الحفافه واخذه وخطفه وشبعه كتل وشنو خلاة يمه اسبوع دك كتل نعل سلفا سلفاته
وبعدين انهزم بابا نؤيل من الفتحه مال المبرده
وطفر وراح عله الجيش الامريكي القاعده
وهناك ودوة لامريكا
وصارت حاله نفسيه ب بابا نؤيل من العراق
وصار عنده ارتجاج بالعقل اثر البسمار الي دكه علاوي ابن الحفافه براسه
وصارت ببابا نؤيل حاله نفسيه من اربعه احرف وهي
ع ر ا ق
والان مايكل في مستشفى المجانين مع بابا نؤيل السابق
اي بابا نؤيل السنه الفاتت
وخلي نشوف بابا نؤيل السنه الجايه شراح يصير بيه
تم كتابه الموضوع بواسطه
حسام(ابو الحس)العراقي | |
|
